Ինչպե՞ս անցնել անապատը. Ջոն Բիվեր
Ուրախության գաղտնի դեղամիջոց
Երբ դուք անապատում եք, շատ հեշտ է կենտրոնանալ միայն ձեր հանգամանքների վրա։ Ես ուզում եմ մի փոքրիկ գաղտնիք բացել, որն իսկապես օգնել է ինձ գոյատևել և նույնիսկ ծաղկունք ապրել անապատային փուլերում։
Ես անվանում եմ այն իմ «Ուրախության գաղտնի դեղամիջոցը»։ Երբ գրեթե ոչինչ կյանքում չի ոգևորում ինձ, երբ թվում է, թե ոչինչ տեղի չի ունենում, երբ ես շարունակ աղոթում եմ, բայց ոչ մի արդյունք չեմ տեսնում, սկսում եմ մտածել այն մասին, թե ինչ արեց Հիսուսը։ Ես հիշում եմ, որ Նա բառացիորեն փրկեց ինձ դժոխքից, որտեղ կրակը երբեք չի դադարում և ծծմբի հոտը երբեք չի անցնում։ Չարչարանքներն այնտեղ երբեք չեն դադարում։ Դժոխքը ստեղծվել է ոչ թե ինձ համար, այլ՝ սատանայի։ Այնուամենայնիվ, սատանան խաբեց մարդկությանը և իր հետ միասին այնտեղ է տանում բոլորին։
Չնայած դրան՝ Հիսուսը տվեց ինձ Իր կյանքը. իմ Արարիչը տվեց Իր կյանքը՝ ինձ այդ վայրից փրկելու համար։ Երբ ես սկսում եմ այսպես մտածել, երբ ուղղում եմ իմ հայացքը Նրան, երբ գոհությամբ եմ նայում կյանքին, երբ այն դիտարկում եմ հավիտենության տեսանկյունից, հանկարծ իմ իրավիճակն այլևս այդքան կարևոր չի թվում։
Սա իմ Ուրախության գաղտնի դեղամիջոցն է. ես վերհիշում եմ այն ամենը, ինչի համար պետք է շնորհակալ լինեմ, և հայացքս ուղղում եմ Հիսուսին։
«Աստվա´ծ, որտե՞ղ ես. Գտի՛ր զորություն և նպատակ քո անապատում» գրքից
Հավաքեց Ս. Մելքոնյանը