Թուրքիայում 7 տարի անց վերաբացվել է հայկական պատմական Սուրբ Կիրակոս եկեղեցին
Արևմտյան Հայաստնի Տիգրանակերտ՝ ներկայիս Թուրքիայի Դիարբեքիր քաղաքում 2015 թվականին տեղի ունեցած բшխnւմների ժամանակ վնшuվшծ սուրբ Կիրակոս հայկական եկեղեցին 7 տարի անց վերաբացվել է։
Եկեղեցին վերականգնվել է Թուրքիայի շրջակա միջավայրի և քաղաքաշինության նախարարության կողմից։ Եկեղեցու վերականգնման աշխատանքներն արդեն ավարտվել են։
Արարողությանը ներկա է եղել Գուգարաց թեմի առաջնորդ Գերաշնորհ Տեր Հովնան եպիսկոպոս Հակոբյանը, Թուրքիայի մշակույթի և զբոսաշրջության նախարար Մեհմեդ Նուրի Էրսոյը, պատգամավորներ, Դիարբեքիրի նահանգապետը, Ստամբուլից և արտերկրից մի շարք հայեր։
Պոլսո պատրիարքարանից հայտել էին, որ սա Սուրբ Կիրակոսի երկրորդ մեծ նորոգությունն է. այն թուրք-քրդական բшխnւմներից առաջ՝ 2011-ին, հիմնանորորգվել էր, եկեղեցում Հայ առաքելական եկեղեցու ծիսակարգով պատարագ էր մատուցվում, բայց 2014-2015 թվականներին Սուր շրջանի այլ պատմական կառույցների հետ միասին հայտնվել էր թուրքական բшնшկի և քրդական ուժերի հшկшմшրտnւթյшն կենտրոնում, վնшuվել էին պատուհանները, տանիքը, պատերը: Նորոգման աշխատանքները վերսկսվել էին 2019-ից:
Բացմանն իր ելույթում Թուրքիայի Հայոց պատրիարք Սահակ Մաշալյանն ասել է, որ մշակութային ժառանգության պաշտպանությունը քաղաքակրթության նշան է։ «Ձեր կատարած աշխատանքը գովելի է այս նորարար ոգին մարմնավորելու առումով։ Այն փրկօղակ է, հայ-թուրքական հարաբերությունների առումով: Մենք կարծում ենք, որ պետք է առաջին պլան մղվեն բարեկամության կամուրջները»,- ասել է Սահակ Մաշալյանը։
