Աթեիստը, ով Աստվածաշնչի ուսումնասիրությամբ փորձում էր հավատափոխ անել հորը, իր համար բացահայտեց լրիվ այլ բան․․․
Սքոթ անունով կանադացի մի աթեիստ իր քրիստոնյա հորը հավատափոխ անելու համար որոշեց բացահայտել իր հոր «ենթադրյալ» սխալը:
Նա ներբեռնեց Աստվածաշնչի «YouVersion» հավելվածը՝ փորձելով հակադարձել իր քրիստոնյա հորը։ Նրա նպատակն էր. «Ահա՛, ես կարդում եմ Աստվածաշունչը և ցույց կտամ, թե ինչու այն, ինչին դու հավատում ես, սխալ է»։
Բայց անսպասելի բան է տեղի ունենում, և Սքոթը սկսում է Աստվածաշունչը տեսնել բոլորովին այլ լույսի ներքո: Նա սկսեց լսել Աստծո ձայնը Սուրբ Գրություններում: Շատ չանցած՝ Սքոթը դարձավ հավատացյալ։
Սա ընդամենը մեկն է այն բազմաթիվ պատմություններից, որոնք YouVersion–ի թիմը լսել է տարիներ շարունակ միլիոնավոր մարդկանցից ամբողջ աշխարհում:
«Մենք իրոք օրհնված ենք մեզ զգում՝ Աստծո ծրագրի մի մասը լինելով։ Աստվածաշունչը կենդանի է։ Մենք տեսնում ենք, որ բազմաթիվ մարդիկ են հետաքրքրված Աստծո Խոսքով։ YouVersion-ը շարունակել է նաև ներբեռնվել COVID-19 համաճարակի ողջ ընթացքում: Մարդիկ դիմում էին Աստվածաշնչին այս անորոշ ժամանակներում։ Մենք ունենք մարդկանց սերունդներ, որոնք իսկապես ոգևորված են Աստծո Խոսքով», - նշում է հավելվածի հեղինակներից մեկը:
Աստվածաշնչի այս հանրաճանաչ հավելվածը ոչ միայն Սուրբ Գիրք է տրամադրում, այլ օգտատերերը կարող են նաև խորանալ Աստվածաշնչի ընթերցանության տարբեր ծրագրերի մեջ, կապ հաստատել ընկերների հետ՝ օգտագործելով YouVersion-ը և ներգրավվել հավելվածում այլ կերպերով:
Թարգմանեց Անի Նիկողոսյանը
Աղբյուրը՝ cbn.com