Հռոմի Պապը խնդրում է ամբողջ աշխարհի քրիստոնյաներին աղոթել Աֆղանստանի համար
«Հռոմի Պապ Ֆրանցիսկոսը կոչ է արել ամբողջ աշխարհի քրիստոնյաներին աղոթել եւ պահք պահել՝ Աստծուն խնդրելով խաղաղություն եւ համակեցություն Աֆղանստանում»,- հաղորդում է Reuters-ը:
Սուրբ Պետրոսի հրապարակում ամենշաբաթյա պատարագով ելույթ ունենալիս Ֆրանցիսկոսն ասել է, որ մտահոգությամբ է հետեւում Աֆղանստանում իրադարձություններին եւ մյուսների հետ միասին սգում է անցած հինգշաբթի Քաբուլի օդանավակայանում մահապարտի իրականացրած պայթյունի հետեւանքով զոհերի համար:
«Ես խնդրում եմ բոլորին շարունակել օգնել կարիքավորներին եւ աղոթել, որպեսզի բանակցությունները կարողանան հանգեցնել խաղաղ համակեցությանը, որը հույս է տալիս երկրի ապագային»,-ասել է նա:
«Այդ իրավիճակը պարտավորեցնում է մեզ՝ որպես քրիստոնյաներ, աղոթել եւ պահք պահել: Այսօր ճիշտ ժամանակն է դա անելու համար»,-հավելել է Հռոմի Պապը:
Հինգշաբթի ահաբեկիչ մահապարտների հարձակման հետեւանքով զոհվել է տասնյակ աֆղանցի ու 13 ամերիկացի զինծառայող օդանավակայանի տարածքում, որտեղ հազարավոր մարդիկ էին հավաքվել մեկնելու համար՝ չցանկանալով մնալ թալիբների իշխանության ներքո: