Մխիթարիչը... Դանիել Կոլանդա

Ո՞վ կարող է լինել մեր առավել հավատարիմ ուղեկիցը դժվարությունների մեջ, եթե ոչ Սուրբ Հոգին: Ո՞ւմ բարեկամությունն է առավել արժեքավոր դժվար ժամանակներում, եթե ոչ տիեզերքի ամենահրաշալի, բարի, հավատարիմ և փառահեղ Միակի:

Ամփոփելով ձեր փորձառությունը՝ հիշեք Նրա ընկերակցության անձնական պարգևը և առավել արժեքավոր ներկայությունը ձեր կյանքում։ Կենդանի Աստված Իր Սուրբ Հոգով քայլում է ձեր առջևից, քայլում է ձեր կողքով, պահպանում է ձեզ, հանգչում է ձեզ վրա և ապրում է ձեր ներսում: Էլ ի՞նչ է Ձեզ հարկավոր:

Որքան մեծ է Սուրբ Հոգու ներկայության մեր հայտնությունը, այնքան ավելի մեծ է մեր մխիթարությունը: Եվ որքան մեծ է մեր հարմարավետությունը Նրա մեջ, այնքան ավելի քիչ տառապանք ենք ապրում: Սա, իհարկե, չի նշանակում, որ Սուրբ Հոգին մեզ ազատում է բոլոր ցավերից և աղետներից: Փոխարենը, դա նշանակում է, որ Սուրբ Հոգու մխիթարության խորությունը մեզ թույլ է տալիս պահպանել ոչ միայն մեր ուրախությունն ու բնավորությունը դժվար պահերին, այլև՝ բարգավաճել Քրիստոսում, ինչպես երբևէ:

«Անապատն ու անջուր վայրը կցնծան, և անապատային հարթավայրը կուրախանա ու կծաղկի ծաղկեփնջի պես։ Այն անպատճառ կծաղկի, ուրախությամբ կցնծա և հրճվանքով կբացականչի։Այդ ժամանակ կույրերի աչքերը և խուլերի ականջները կբացվեն։ Այդ ժամանակ կաղը եղջերուի պես կցատկոտի, և համրի լեզուն ուրախությամբ կբացականչի։ Անապատում ջրեր կժայթքեն, և անապատային հարթավայրում՝ հեղեղատներ։ Տապից չորացած երկիրը եղեգնաշատ լճի պես կդառնա, ու ծարավուտ երկիրը՝ աղբյուրների պես։ Շնագայլերի բնակատեղում՝ նրանց հանգստանալու վայրում, կանաչ խոտ, եղեգ ու պապիրուս կաճի» (Ես. 35.1-2, 5-7):

Ինչպե՞ս կարող ենք ունենալ այդքան գունեղ, կենդանի և հուզիչ «վայրի բնություն»: Սուրբ Հոգու մխիթարական և փոխակերպող ներկայության միջոցով է, որ անգամ վայրի տագնապալի բնության մթնոլորտում Սուրբ Հոգու մխիթարությունը մեզ հնարավորություն է տալիս զգալ այնպիսի աջակցություն, որը մենք երբևէ այլ պայմաններում չէինք փորձառի։

Չկա առավել արժեքավոր որևէ բան, քան Աստծո հարատև ներկայությունն է։ Եթե ​​զգում եք, որ հայտնվել եք անապատում, որոշեք ձեզ համար, որ այս դիպվածը դուք կօգտագործեք որպես պատրվակ՝ իմանալու ավելին Սուրբ Հոգու հրաշալի իրականության մասին:

Թարգմանեց Անուշ Վարդումյանը