Քայա Ջոնսը՝ Pussycat Dolls երաժշտական խմբի նախկին անդամը, ասում է, որ ինքն ամբողջապես անցել է Տիրոջը ծառայելու իր առաքելությանը մկրտությունից հետո․ գրում է cbn.com-ը։

«Ես երգել եմ Ջեգերի, Բրիթնիի, Ֆերջիի, Քեթի Փերիի և շատ ուրիշների հետ», - ասել է նա իր ֆեյսբուքյան էջի գրառման մեջ: Բայց ոչ ոք և ոչինչ չի կարող համեմատվել Հիսուսի համար երգելու հետ։ Վերջապես ես ծառայում եմ Տիրոջս»:

Նրան ավետարանել է Պոլա Ուայթը, ով հովիվ է Ֆլորիդա նահանգի Ապոպկա քաղաքում գտնվող եկեղեցում և ծառայում էր նախկին նախագահ Դոնալդ Թրամփի մոտ՝ որպես  հոգևոր խորհրդական:

Քայան ասաց, որ ինքը սկսել է «իսկապես ուսումնասիրել Խոսքը և ապրել Դրանով»:

Նա մկրտվել է մայիսի 23-ին. «Տիրոջ հետ քայլելն այն ամենն է, ինչը թույլ է տալիս ինձ լինել այնպիսին, ինչպիսին պետք է ես լինեմ»:

Նրա անձնական հոգևոր կյանքը ազդեցություն է ունեցել նաև իր ընտանիքի վրա: Նրա մայրը վերադարձել է եկեղեցի, իսկ իր զուգընկերը «ավելի է ընկղմվել» Սուրբ Գրքի ընթերցանության մեջ՝ «իմ անձում տեղի ունեցած փոփոխությունների» պատճառով` ասելով, որ նա «դա վերագրում է միայն Սուրբ Հոգուն»:

Քայան նաև զղջումով է հիշում իր հղիության արհեստական վիժման մասին, որը, նրա խոսքով, տարածված է աշխարհիկ երաժշտական ոլորտի ներկայացուցիչների մոտ: «Դա իսկապես խնդիր է, որի մասին պետք է խոսեմ հիմա առավել, քան երբևէ, քանի որ ներկայիս աշխարհը չի մեղադրում այդ արարքը»:

Թարգմանեց Անի Նիկողոսյանը

Դուք հաջողությամբ բաժանորդագրվեցիք CHRISTIANS.am-ին
Welcome back! You've successfully signed in.
Great! You've successfully signed up.
Success! Your account is fully activated, you now have access to all content.