Մարդ փնտրեցի խրամատի մեջ, որ կանգնի... համահայկական աղոթք հուլիսի 27-ից օգոստոսի 1-ը
GAP2020 ֆեյսբուքյան էջը տեղեկացնում է, որ հուլիսի 27-ից օգոստոսի 1-ը կազմակերպվում է համահայկական աղոթք՝ աշխարհի տարբեր եկեղեցիներից օնլայն միացումներով:
Նշված օրերին 18:00-24:00-ն կլինի ուղիղ եթերով միացումներ աշխարհի տարբեր ծայրերում գտնվող հայկական եկեղեցիներից, ովքեր կառաջնորդեն աղոթքի ու երկրպագության մեջ:
Christians.am-ի հետ զրույցում կազմակերպիչները նշեցին իրենց հիմնական նպատակը, որն է՝ «Այս անորոշ ժամանակներում՝ ցնցումների և խռովությունների օրերին, աշխարհասփյուռ հայկական համայնքներին կոչ ուղղել՝ միաբանվելու 6-օրյա աղոթքներով և «խրամատի մեջ կանգնելու» հանուն հոգևոր արթնության և այս տարածաշրջանի խաղաղության»:
Աղոթքին կարող եք միանալ GAP2020 ֆեյսբուքյան էջով: