Ինչո՞ւ ծոմ պահել…

Հիսուսը ծոմ պահեց

Մատթեոս 6.6-18 - Երբ աղոթում ենք ու ծոմ պահում, ի ցույց չպետք է դնենք: Տերը տեսնում է մեր սիրտը և միշտ պարգևատրում, երբ հնազանդ ենք Տիրոջ Խոսքին:

Ղուկաս 4.1, 2, 14 - Իր հանրային ծառայությունից առաջ Հիսուսը ծոմ պահեց ու աղոթեց 40 օր: Եվ վերադարձավ Սուրբ Հոգով լեցված ու սկսեց ծառայել:

Վաղ եկեղեցին ծոմ էր պահում

Գործք Առ. 13.1-3; 14.23 - Ծոմն Աստծուն ծառայելու մի մասն է: Վաղ եկեղեցին ծառայությունից առաջ ծոմ էր պահում և աղոթում: Ծառայության համար մարդկանց ընտրելիս նրանք ծոմ էին պահում և աղոթում՝ ստանալով առաջնորդություն Աստծուց:

Պողոսը ծոմ էր պահում

Գործք 9. 9 - Պողոսի ծառայությունը սկսվեց ծոմից ու աղոթքից:

Բ Կորնթացիս 11.27 - Պողոսն իր ծառայության մեջ հաճախ ծոմ էր պահում: Ծոմով մարմինը հնազանդեցնում ենք հոգուն:

Հին Կտակարանում ծոմ էին պահում

Բ Մնացորդաց 20.1-26 - Հովսափաթի նման մենք պետք է հայտարարենք ծոմ և աղոթք, երբ թշնամին /խնդիրները, իրավիճակները/ գալիս է պատերազմելու մեր դեմ:

Եզրաս 8.21-22 - Ծոմ բարեհաջող ճանապարհի համար:

Եսթեր 4. 16-17 - Ծոմ Աստծո առջև, որ Աստված պաշտպանի ժողովրդին և հաղթանակ տա:

Հովել 2.28-29;1.12 - Սուրբ Հոգին բերում է արթնություն ծոմի միջոցով: