Շուշիի մարտերից փրկված օգտատերը փնտրում է իրեն Նոր Կտակարան նվիրած զինվորին
Սերոբ Նալտակյան օգտատերն իր էջում գրում է․
«Սիրելի ընկերներ, խնդրում եմ տարածեք, գտնենք Կտակարանի տիրոջը։
Նոյեմբերի 6-ին Շուշիի խաչմերուկում, թշնամու գնդակոծության տակ ձորից դուրս է եկել վիրավոր վիճակում և հանդիպել հորս։ Հայրս օգնել է վիրակապել և ստիպել, որ դուրս գա գնդակոծության տակից... Երիտասարդը գրպանից հանել է արյունոտ Կտակարանը, տվել հորս՝ ասելով, որ այն կպահպանի հորս կյանքը... Եղբա՛յր, հայրս փրկվել է և վստահ է, որ դու էլ ես փրկվել։ Եթե կարդաս, արձագանքիր...»։
