ՌԴ Դաշնային խորհուրդը հավանություն տվեց նախագծին, որով արգելվում է «Child-Free» մնալու և երեխաներ չունենալու պրոպագանդան

 Ս․թ․ նոյեմբերի 20-ին Ռուսաստանի Դաշնային խորհուրդը երկրորդ և միանգամից երրորդ ընթերցմամբ ընդունել է օրենսդրական նախագիծը, որն արգելում է «Child-Free» մնալու, երեխաներ չունենալու գիտակից որոշման պրոպագանդան։

Օրինագիծը նախատեսում է, որ այս կերպ պաշտպանություն կսահմանվի համացանցում, լրատվամիջոցներում, ֆիլմերում և գովազդներում երեխաներից հրաժարվելը խթանող տեղեկատվության տարածումից։ Բացառություն է կազմելու վանական կյանքի, նաև կուսակրոնության մասին տեղեկատվության տարածումը։

Օրենքը խախտելու դեպքում տուգանք է նախատեսված՝ մինչև 5 միլիոն ռուբլու չափով։

ՌԴ նախագահի մամուլի քարտուղար Դմիտրի Պեսկովը, մեկնաբանելով նախաձեռնությունը, կոչ է արել հրաժարվել այն ամենից, ինչը նվազեցնում է ծնելիությունը երկրում:

Աղբյուրը՝ https://ria.ru/20241120/sovfed-1984768611.html

Հ․Գ․ Հիշեցնենք, որ «Child-Free»-ն կամավոր անզավակությունն է կամ երեխաներ չունենալու գիտակից ցանկությունը։ Մինչդեռ Աստվածաշունչը հորդորում է․«Եւ Աստուած օրհնեց նորանց, եւ Աստուած ասաց նորանց.  աճեցէք եւ շատացէք, եւ լցրէք երկիրը, եւ տիրեցէք նորան» (Ծննդոց 1․28)։