Ապրել նպատակային և իմաստալից կյանք

Ո՞րն է կյանքում քո նպատակը: Ինչպե՞ս կարող ենք գտնել դրա նշանակությունն Աստվածաշնչում: Եկե՛ք լինենք իրատես. հաճախ կյանքը կարող է լինել ցավոտ, բայց պետք չէ անհանգստանալ: Աստվածաշունչը միշտ քո թիկունքին է: Նրա ուսուցումներն իմաստության ու ճշմարտության հենարաններ են, որոնք կարող են քեզ օգնել գտնելու քո ուղղին, երբ քեզ կորած ես համարում:

Երբ ամեն օր արթնանաս՝ գիտակցելով կյանքում քո նպատակն ու նշանակությունը, ամեն ընտրությունը, որ դու կանես, և ամեն մի քայլը, որ կկատարես, կլինի ըստ քո արժեքների, նպատակների և պահանջների: Այսպիսով՝ դու լիարժեք ու բավարարված կզգաս՝ իմանալով, որ քո գոյությունն արժեք ու նպատակ ունի:

Աստվածաշունչը ցուցումների աղբյուր է բոլոր նրանց համար, ովքեր ջանում են հասկանալ ու հասնել իրենց կյանքի նպատակին: Այդ նպատակը ամեն մեկի կյանքում յուրահատուկ է և դրսևորվում է ունակություններով, տաղանդներով և փորձառություններով: Այն հանգեցնում է այս ամենն օգտագործելու ինչպես մյուսներին օգնելու, այնպես էլ Աստծուն փառավորելու համար: Դժվարությունն ու տառապանքը նույնպես կարող են օգնել բացահայտելու կյանքի նպատակը՝ թույլ տալով, որ մարդը զարգացնի իր հավատքն ու գիտությունը Աստծո կամքի նկատմամբ: Փորձությունները մարդուն մեծ դասեր կարող են սովորեցնել համբերատարության, հավատքի և Աստծուց կախում ունենալու մասին, որոնք կարող են գործածվել մյուսներին ծառայելու համար և օգնելու նրանց՝ հասնել իրենց նպատակներին:

Կյանքում քո նպատակը գտնելու համար ամենակարևոր քայլերից մեկը աղոթքի և Սուրբ Գրքի ընթերցանության միջոցով Աստծո կամքը փնտրելն է: Խնդրի՛ր Աստծուն, որ Նա հայտնի քեզ քո կյանքում իր ունեցած պլանների մասին: Բայց ամենի հետ մեկ տեղ սկսի՛ր ապրել հետևյալ կանոններով՝

. Եղի՛ր երախտապարտ, փորձի՛ր կյանքում գտնել բաներ, որոնց համար շնորհակալ կլինես,

. Սահմաններ գծի՛ր, որոշ հարցերում սահմանափակումներ դի՛ր, կենտրոնացի՛ր քո առաջնահերթությունների վրա,

. Ժամանակ տրամադրի՛ր ինքդ քեզ, ընտրի՛ր զբաղմունքներ, որոնք կսնեն քո միտքը, մարմինը և հոգին,

. Փնտրի՛ր աճելու հնարավորություններ, դու՛րս արի քո հարմարավետության դաշտից,

. Մի՛ հանձնվիր, հիշի՛ր, որ նպատակը ամբողջ կյանքի համար է, այլ ոչ թե ժամանակավոր մի ընթացքի,

«Ամեն բանի  ժամանակ կա, և ժամանակ կա երկնքի տակ եղած բոլոր գործերի համար …» /Ժողովող 3.1-8/:

«Բայց գիտենք, որ ամեն բան բարիին գործակից է լինում նրանց համար, ովքեր սիրում են Աստծուն և կանչված են ըստ Նրա նախասահմանության» /Հռոմեացիս 8.28/:

Թարգմանեց Լիլիթ Հարությունյանը

Աղբյուրը՝ https://www.whatchristianswanttoknow.com/living-a-life-of-purpose-and-meaning-insights-from-the-bible/