Ամեն բան իր ժամանակն ունի. Երեմիա Ջոնսոն

Որքա՞ն կեղծ ժամկետներ են քանդում հույսը՝

Եթե դա տեղի չունենա այս տարի...

Եթե դա դեռևս չի կատարվել...

Ե՞րբ ես երեխա կունենամ:

Ե՞րբ ես կամուսնանամ:

Ե՞րբ ես վերջապես կսիրահարվեմ:

Ե՞րբ ես վերջապես կունենամ այդ աշխատանքը:

Ե՞րբ ես վերջապես կգրեմ այդ գիրքը:

Ե՞րբ ես վերջապես կիմանամ՝ որն  է իմ կոչումը:

Ե՞րբ ես վերջապես կնիհարեմ:

Ե՞րբ ես վերջապես կազատվեմ այդ սովորությունից:

Ե՞րբ ես վերջապես կբժշկվեմ:

Ե՞րբ ես վերջապես կտեսնեմ, թե ինչպես է կողակիցս ծառայում Աստծուն:

Ե՞րբ ես վերջապես կգրեմ այդ երգը:

Ե՞րբ ես վերջապես կվերադարձնեմ պարտքերս:
Ե՞րբ ես վերջապես կունենամ պաշտոնի բարձրացում:

Ե՞րբ ես վերջապես կտեսնեմ, թե ինչպես է երեխաս դառնում Հիսուսին:

Թույլ մի՛ տվեք, որ ժամանակի սպառումը կործանի խոստման հույսը:

Դուք Աստված ունեք, Ով չի ստում:

Նրա խոստումներն ամոթով չեն թողնի:

Հնարավոր է՝ ձեր կյանքում կան բաներ, որոնք ձեր կարծիքով արդեն պետք է կատարված լինեին ներկայիս դրությամբ:

Բայց մի՛ կորցրեք հույսը:

Մի՛ դադարիր հավատալ:

Սա չի ավարտվի այսքանով:

Թույլ մի՛ տվեք անհիմն ժամկետներին, որոնք գոյություն չունեն, քանդել հույսը:

Թույլ մի՛ տվեք թշմանուն ծաղրել ձեզ ժամանակի սպառումով:

Նա երկար է ստել մարդկանց:
Նա Դավիթին ասաց. «Դու երբեք թագավոր չես լինի»:

Աբրահամին ու Սառային ասաց. «Դուք երբեք երեխա չեք ունենա»:

Գեդեոնին ասաց. «Դու երբեք չես լինի բավարար ուժեղ»:
Մովսեսին ասաց. «Դու երբեք չես ազատի քո ժողովրդին գերությունից»:

Հռութին ասաց. «Դու երբեք չես գտնի ամուսին»:

Պետրոսին ասաց. «Դու երբեք առաջնորդ չես լինի այն բանից հետո, երբ երեք անգամ ուրացար Հիսուսին»:

Ամեն բան իր ժամանակն ունի:

Եվ քո խոստման ժամանակը մոտենում է:

Դավիթը դարձավ թագավոր:

Աբրահամն ու Սառան որդի ունեցան:

Գեդեոնն ուժեղ դարձավ:
Հռութն ամուսնացավ:

Պետրոսը դարձավ վաղ եկեղեցու առաջնորդ:

Ինչ էլ ասի թշնամին, ես խոստանում եմ ձեզ՝ սուտ է:

Հիսուսն ամեն բան պատրաստել է ձեզ համար:

Եվ Նա կանգնած է ձեր ապագայում մեծ, պայծառ ժպիտով, հուզված, որ դուք վերջապես կտեսնեք այն, ինչ Նա պահում է միայն ձեզ համար:

Ինչպես սուրբծննդյան առավոտը: Ամեն բան պատրաստ է ձեզ զարմացնելու և ուրախացնելու համար:

Բայց ուշադրություն մի՛ դարձրեք կեղծ ժամկետներին: Դրանք սուտ են:

Ամեն բան հենց ժամանակին է, և ձեր ապագան՝ լուսավոր:

Երեմիա 29.11«Որովհետեւ ես գիտեմ այն խորհուրդները, որ ես խորհում եմ ձեր մասին, ասում է Տէրը, խաղաղութեան խորհուրդները եւ ոչ թէ չարութեան, որ ձեզ տամ ապագան եւ յոյսը»:

Աղբյուրը՝ onbog.com

Թարգմանեց Աննա Հովհաննիսյանը