Մի՛ անհանգստացեք ոչնչի համար

Մի՛ անհանգստացեք ոչնչի համար, այլ աղոթե՛ք ամեն ինչի համար։

«Քանի որ Նա չխնայեց նույնիսկ իր Որդուն, այլ մատնեց նրան մեր բոլորի համար, մի՞թե մնացած ամեն ինչ մեզ չի տալու» /Հռոմեացիներ 8․32/։

Երբ երեխա էի և ինչ-որ բանի կարիք ունեի, ես խոսում էի հայրիկիս հետ: Երբեմն ինձ ինչ-որ թանկ բան էր պետք, բայց ոչ մի անգամ չէի անհանգստանում, թե որտեղից է հայրս գտնելու այդ գումարը այն ամենի համար, ինչ ինձ պետք է: Դա իմ գործը չէր։ Հայրիկիս գործն էր պարզել, թե որտեղից կգա փողը: Մանկությանս աշխատանքն էր պարզապես խնդրելը: Նույն կերպ ձեր գործը չէ պարզել, թե Աստված ինչպես է ապահովելու: Ձեր գործն է խնդրել: Երբ հարցնելու փոխարեն անհանգստանում եք, դուք ձեզ աթեիստի նման եք պահում, ով հավատում է, որ երկնային Հայր չունի:

Անհանգստությունը աթեիզմ է․ ապրել ձեր կյանքն այնպես, իբրև Աստված գոյություն չունի կամ չի կարելի վստահել: Աստվածաշունչը պարզ է. Աստված ցանկանում է, որ դուք ամեն ինչի համար աղոթեք նրան։ Հակոբոս4.2-ում ասվում է. «Դուք չունեք, որովհետև Աստծուց չեք խնդրում»։

Ավելի քիչ անհանգստացեք և ավելի շատ հարցրեք: Անհանգստանալու փոխարեն աղոթեք ամեն ինչի համար։ Ինչպես Փիլիպպեցիս 4․6-ում ասվում է. «Բայց ամեն իրավիճակում թող Աստված իմանա, թե ինչ է ձեզ հարկավոր աղոթքների և խնդրանքների մեջ»:

Աստված ցանկանում է, որ դու Իր մոտ գնաս «ամեն իրավիճակում»։ Դուք կարող եք խոսել Նրա հետ ամեն ինչի մասին՝ անկախ նրանից, թե որքան մեծ կամ փոքր է ձեր խնդիրը:

Հռովմայեցիս 8.32-ում ասվում է. «Քանի որ նա չխնայեց նույնիսկ իր Որդուն, այլ մատնեց նրան մեր բոլորի համար, մի՞թե նա չի տալու մեզ մնացած ամեն ինչ»: Աստված լուծել է ձեր ամենամեծ խնդիրը՝ մեղքը, և մնացած ամեն ինչ համեմատության մեջ փոքր է: Եթե ​​Աստված այնքան սիրեց քեզ, որ ուղարկեց Հիսուսին մահանալու քո մեղքերի համար, չե՞ս կարծում, որ Նա այնքան է սիրում քեզ, որ կօգնի քո ֆինանսական հարցերում: Չե՞ս կարծում, որ նա այնքան է սիրում քեզ, որ կօգնի քո առողջության հարցում, հարաբերությունների հարցում, կարիերայի որոշումներում: Աստված հետաքրքրված է քո կյանքի յուրաքանչյուր բնագավառով:

Իրականում Նա արդեն գիտի, թե ինչ է ձեզ հարկավոր, բայց Նա ցանկանում է, որ դուք խնդրեք դա: Պատրա՞ստ եք նվազեցնել սթրեսը ձեր կյանքում: Աստված սպասում է, որ դու գնաս Իր մոտ քո կարիքներով: Ընտրե՛ք չանհանգստանալն ոչ մի բանի համար և աղոթե՛ք ամեն ինչի համար:

Աղբյուրը՝ https://pastorrick.com/devotional/

Թարգմանեց Ագապե Թադևոսյանը