Եկեղեցու 10 կարևոր առանձնահատկություն
Ինձ հեշտ տրվեց գտնել եկեղեցու 10 կարևոր առանձնահատկություն, քանի որ ես սիրում եմ եկեղեցին: Այն Քրիստոսի հարսնացուն է և մշակութային վերափոխման բանալին: Այդ իմաստով յուրաքանչյուր եկեղեցի անփոխարինելի է: Բայց երբ դուք միանում եք այնպիսի ճկուն եկեղեցու, որն ունակ է իր ժողովներում և համայնքներում ճիշտ փոփոխություններ կատարել, դա առավել մեծ օրհնություն է:
Ինչն է, որ կարևոր է յուրաքանչյուր եկեղեցու համար՝ ըստ Սուրբ Գրքի
Իհարկե, կատարյալ եկեղեցիներ չկան, բայց շատերը կան, որոնք ձգտում են դեպի բարձրերը, որոնց մասին ասվում է Սուրբ Գրքում:
Ահա 10 առանձնահատկություն, որոնք, հնարավոր է, նկարագրում են ձեր տեղական եկեղեցին.
1. Այն ղեկավարվում է աստվածահաճո առաջնորդների կողմից: Տիտոս 1.5-9
2. Ավետարանը հանդիսանում է կենտրոն՝ յուրաքանչյուր քարոզի, ծրագրի և ժողովի համար։ 1 Կորնթացիներ 15.3-4
3. Մարդիկ օգտագործում են իրենց տրված հոգևոր պարգևները։ 1 Կորնթացիներ 12.12-31
4. Այն առաջին դարի եկեղեցու պես միասնական է ՝ լիովին ներկայացնելով այն համայնքի ժողովրդագրական առանձնահատկությունները, որում գտնվում է: Եփեսացիս 2.11-21
5. Սերը գերակշռում է ամեն բանում՝ դրսեւորված ընկերասիրությամբ, առատաձեռնությամբ, ներքին/արտաքին բարեգործական ծրագրերով և համայնքի ներգրավվածությամբ: 1 Կորնթացիներ 13.1-8
6. Կան փոքր խմբակներ, որտեղ անդամներն ունենում են աստվածաշնչյան հիանալի հաղորդակցություն, կիսում դժվարություններ և աղոթում միմյանց համար: Հակոբոս 5.16
7. Մարդիկ ոգեշնչված են և պատրաստակամ՝ իրենց հավատը ուրիշների հետ կիսելու համար:
8.Սերտողությունը/քարոզչությունը հիմնված է Աստվածաշնչի վրա և գործնական բնույթ է կրում: 2 Տիմոթեոս 3.16-17, 4.1-4
9. Մանկական և պատանեկան ծառայություններն առաջնահերթություն են, այլ ոչ թե՝ հետագայի ծրագիր: Տիտոս 2.1-8
10. Բարեխոսական աղոթքը հանդիսանում է կենսական անհրաժեշտության մղիչ վառելիք: Այն շարժիչ ուժ է, ոչ թե եկեղեցին տկարացնող ամենավերջին անհրաժեշտության գործիքը։ 1 Տիմոթեոս 2.1-8
Սրանք այն առնվազն 10 առանձահատկություններն են, որ տարանջատել եմ՝ որպես լավ եկեղեցու հիմնական նշաններ: Բնականաբար, սրանք միակը չեն, եւ դու ինքդ էլ կարող ես շարունակել շարքը։
Հեղինակ՝ Գրեգ Սթայեր
Աղբյուրը՝ churchleaders.com
Թարգմանեց Անի Նիկողոսյանը