Կյանքի խնդիրներն ու ջրով լի բաժակը

Ուսուցիչը վերցրեց ջրով լի բաժակն ու հարցրեց աշակերտներին.

- Ձեր կարծիքով որքա՞ն է կշռում այս բաժակը:

- Մոտավոր 200 գրամ,-պատասխանեցին աշակերտները:

- Ինչպես տեսնում եք, այն այդքան էլ ծանր չի կշռում,-ասաց ուսուցիչն ու հարցրեց. «Իսկ ի՞նչ կլինի, եթե ես այն պահեմ մի քանի րոպե ձեռքումս»:

- Գրեթե ոչինչ չի լինի:

- Իսկ եթե պահեմ այսպես մեկ ժա՞մ:

- Ձեր ձեռքը կհոգնի:

- Իսկ եթե այսպես պահեմ մի քանի ժա՞մ:

- Ձեր ձեռքը կցավի:

- Ճի՛շտ է: Իսկ եթե այս դիրքով պահեմ մի ամբողջ օ՞ր:

-Ձեր ձեռքը կթմրի, գուցե և կաթվածահար լինի,-պատասխանեց աշակերտներից մեկը:

- Շա՜տ լավ,-շարունակեց ուսուցիչը,- բայց փոխվե՞ց արդյոք բաժակի քաշը:

- Ո՛չ,- հնչեց պատասխանը:

- Ապա որտեղի՞ց առաջացավ ձեռքի ցավը:

- Երկարատև լարվածությունից,-պատասխանեցին աշակերտները:

- Ի՞նչ պետք է անեմ, որպեսզի ազատվեմ ցավից:

-Թողնե՛լ բաժակը,- հետևեց պատասխան:

- Ճի՜շտ այդպես էլ տեղի է ունենում կյանքի խնդիրների դեպքում,-բացականչեց ուսուցիչը: Եթե դրանք մի քանի րոպե պահեք գլխում, նորմալ է: ժամերով մտածեք դրանց մասին, կսկսեք ցավ զգալ: Իսկ եթե օրեր շարունակ մտածեք, ապա դա ձեզ կսկսի կաթվածահար անել, և այլևս ոչ մի ուրիշ բանով չեք կարողանա զբաղվել:

Իսկ ցավից ազատվելու համար անհրաժեշտ է գլխից բաց թողնել խնդիրները: